બોરોનના મહત્વના વલણો અને અસામાન્ય ગુણધર્મો જણાવો.

(N/A) સમૂહ-$13$ ના તત્વોના રાસાયણિક વર્તનમાં કેટલાક મહત્વના વલણો જોવા મળે છે. આ તમામ તત્વોના ટ્રાયક્લોરાઈડ,બ્રોમાઈડ અને આયોડાઈડ સહસંયોજક સ્વભાવના હોવાથી પાણીમાં જળવિભાજન પામે છે.
બોરોન સિવાયના તત્વો માટે ચતુષ્ફલકીય $[M(OH)_{4}]^{-}$ અને અષ્ટફલકીય $[M(H_{2}O)_{6}]^{3+}$ જેવી સ્પીસીઝ જલીય માધ્યમમાં અસ્તિત્વ ધરાવે છે.
મોનોમેરિક ટ્રાયહેલાઈડ્સ ઇલેક્ટ્રોન ઉણપ ધરાવતા હોવાથી પ્રબળ લુઈસ એસિડ છે. બોરોન ટ્રાયફ્લોરાઈડ $(BF_{3})$ બોરોનની આસપાસ અષ્ટક પૂર્ણ કરવા માટે $NH_{3}$ જેવા લુઈસ બેઝ સાથે સરળતાથી પ્રક્રિયા કરે છે.
$d$-કક્ષકોની ગેરહાજરીને કારણે $B$ ની મહત્તમ સહસંયોજકતા $4$ છે. $Al$ અને અન્ય તત્વોમાં $d$-કક્ષકો ઉપલબ્ધ હોવાથી,તેમની મહત્તમ સહસંયોજકતા $4$ થી વધુ હોઈ શકે છે.
મોટાભાગના અન્ય ધાતુ હેલાઈડ્સ (દા.ત.,$AlCl_{3}$) હેલોજન બ્રિજિંગ દ્વારા ડાયમરાઈઝ્ડ (દ્વિલક) થાય છે (દા.ત.,$Al_{2}Cl_{6}$). આ હેલોજન બ્રિજવાળા અણુઓમાં ધાતુની સ્પીસીઝ હેલોજન પાસેથી ઇલેક્ટ્રોન સ્વીકારીને તેનું અષ્ટક પૂર્ણ કરે છે.